IGeA - Impressionen 2024
Einleitung der Eröffnungsrede
Härzligg Willkomme an der IGeA 2024
Unser Aescher Gwärb präsentiert sich zum Entdecke
Do in dr Löhrenacker-Halle am Igang und au dört umenecke
Gmeinsam Kennelernä zum Byspiel bim Gmeind-Stand uf em Bänggli
Oder Aber au bi viele wyttere Uusteller gits sicher e Gschänggli
S’ feschtä gört in Aesch au drzu, duss im Feschtzält chönt ihr go loose
Denn näbe dr Tanzmusig und vylle Künstler, duet au e Gugge bloose
Nach acht Joor isch es ändligg wyder so wit und mir sin froh
Leider isch slescht mol das blööde Corona drzwische choh
Bi über 50 Ussteller chasch zum Byspiel e grosse Baum i Kaufe
Sogar di Läbe versicherä oder ins Hunde-Training go Laufe
Bstellsch e neue Computer oder bim Schriner e Schrangg
drzu bruchts Sponsorä und Gönner wo unterstütze, härzligge Dangg
Die 10. IGeA goht jetzt bald los und mir chöne uf e Rundgang gooh
Beschte Dangg au mim OK - den au uf die chasch di verlooh
Unterstützig becho hän mir au vo dr Gmeind do in Aesch bigott
Und die musikalischi Begrüessig chunt hüt sogar vomene echtä Schott
Den dr Kanton Baselland cha vo denä wirkligg erfaahre
Wie mes so macht, wenn alli so richtig müen Spaare
Ich wünsch allne e ganz e spannende und gmüetliche Obee, das isch woor
Viellicht gseht me sich do inne wyder in 4 Joor.
von Patrick Meyer, OK-Präsident
Fotos von OK-Mitglied Claudia Schreiber CS Creative Services
